ДАЛИТА(Й)

(Й) тэмд. н. 1) дали ургаһан (крылатый): Хэршье олон уран хурдан далита шубуудай агаарта ниидэхэдэ, тэдээн сооһоо нэгэл шубуун илгараад, түрүүлэн ябагша бэшэ гү? (Ч. Цыдендамбаев); далитай шоргоолзон дали ургажа ниидэдэг болоһон шоргоолзон (крылатый муравей); 2) далида адли зүйлтэй, хубитай (с чем-л. похожим на крыло): Далитай шаргаар гүйлгэлдэжэ ерэбэ; далита тэргэн хууш. дүрбэн мѳѳр дээгүүрээ ураа нугыһан халхабшатай, ара һууринууд дээрэ далабшатай мориндо хүллэгдэдэг хүнгэн тэргэ (фаэтон); 3) шэлж. хүнгэн, дээгүүр, холуур эрмэлзэһэн (лёгкий, «крылатый»): Иимэ ехэ далита мэдэрэлдэ эзэлэгдэжэ, эсэнги нюдэеэ һэргээхэб гэжэ мэдээгүйб даа сэхэнь, Сэсэг (Ц.-Д. Хамаев); ◊ далита үгэ олоной аманда ороһон шэлжэһэн удхатай тогтомол холбоо үгэ (крылатое выражение): Хүн гээшэ зол жаргалай түлѳѳ түрэдэг гэһэн далита үгэ бии, – гэжэ Алдар аргаахан дуугарба (Ц.-Д. Хамаев); ◊ далита һанаан (гү, али бодол) холуур хараалһан, эрмэлзэл дүүрэн һанаан бодол (мечта): Аргашан гэжэ хүрэһѳѳр ойлгохоор байна. Теэд минии хэр зэргэ арюун далита бодолдо эзэлэгдээд ябаһые мэдэнэ ха гүш даа (Ц.-Д. Хамаев).