ДАЙРАГДАХА

үйлэ ү., хүлеэгд. залог 1) алибаа юумээр дайруулха, хүрүүлхэ, сохигдохо (быть задетым физически): Тэрэнэй тооробшо малгай модондо дайрагдан унажа, ялайшатар хюһанхай заахан толгойтой бэень дахин үзэгдэбэ (Д. Батожабай); 2) алибаа юумэндэ абтаха, жэшээнь, ган гасуурта, үбшэндэ (подвергаться чему-л.): Үбгэн абамнай мүнѳѳ жэл ядалдаад абаа, эндэһээ зѳѳжэ ошоһонһоо хойшо гансаардаа, уһа саһанда ороо, гал түймэртэшье дайрагдаа (Ц.-Ж. Жимбиев); гэнтын аюулда дайрагдаха һанагдаагүй аюултай ушарха, аюулһаа хохидохо (подвергаться внезапной опасности): Гэнтын аюулда дайрагдаһан энэ жиирэй ангуушанай сээжэдэ бүргэдэй зүрхэн сохилно (Д.-Д. Дугаров); үбшэндэ (гү, али үбшэ хабшанда) дайрагдаха үбдэхэ, үбшэндэ нэрбэгдэхэ (болеть): Баарһан эжымни, – гээд, Зунды шурхирса уйлашана… – Үбшэндэ дайрагдажа, наһа дүүрэшоо һэн (Г. Дамбаев); Тиимэһээл эрэшүүл ута наһагүй, эртүүр үбшэ хабшанда дайрагдаха (С. Доржиев); 3) үгѳѳр, аягүй ааша, хэрэгээр гомодхоогдохо, баһуулха, доромжолуулха (быть уязвлённым, оскорблённым): Сэдьхэлээрээ дайрагдаhан байгаашье hаа, / Тэрэ хүндээ харуулхагүйш, / Юун худхагдажа байнаб шинии зосоо (Э. Зандраев); 4) бѳѳ олойрхо, хии хараха, бѳѳ хэрэгээ үйлэдэжэ, тэнгэри бурханартай харилсажа байхадаа, иимэ байдалда ородог (быть в трансе, в экстазе): Бабана бѳѳ эгээл ехээр онготожо дайрагдан, үндэр шүрбэһэлиг бэеэрээ татагалзаһаар аймшагтайгаар дүтэлнэл (А. Ангархаев).