ДАБХАРЯАТА(Й)

(Й) тэмд. н. үетэһэн, эбхэлеэтэһэн (складчатый): Волгын хара хүхэ нюруу дабхаряата мянга миллион долгидоороо наадажа, амилжа байһандал адляар үе үе һанагдана (Ч. Цыдендамбаев); Полициин хоёр дабхар юм шэнги, дабхаряатай зузаан урал дээрэ ѳѳдэнь хятаруулан мушхаһан зээрдэ һахал, үргэндэнь нэгэшье һахалгүй, һаяхан хюһажархиһан хэбэртэй (Х. Намсараев); дабхаряата(й) нюдэн дээдэ зубхидаа эбхэлеэ арһатай нюдэн (глаза со складками на верхних веках): Басаган дабхаряатай харахан нюдэеэ наадалһаншуугаар ялагануулба (А. Ангархаев).