ДАБАГДАШАГҮЙ

тэмд. н. даахаар, гаталхаар бэшэ (непреодолимый, неподдающийся): Тиигэһээр хабшалай эрид хажуунууд бүри үндэр, дабагдашагүй шэнги боложо, харгынь зүргэ боложо, заха, хизаарынь балартана янзатай (Ц. Цырендоржиев); дабагдашагүй намаг гаталхаар бэшэ намаг (непроходимое болото): Энэмнай ямар бэ даа дабагдашагүй намаг, оёоргүй татуур болошоно (Ц. Цырендоржиев); дабагдашагүй зориг хатуу зориг (несгибаемая воля): Дабагдашагүй зориг, далайшагүй нангин хүсэлтэй / Далтиршагүй эрэлхэг зэбсэгтэ хүсэтэй (Д. Улзытуев).