ДААРАХА

үйлэ ү. хүйтэнһѳѳ зобохо, бээрэхэ (мёрзнуть): Оюунын нюур шарай тугаар һая дааража, хүхэршоод ябаһан аад лэ, мүнѳѳ шад улаан болошобо (Ц.-Ж. Жимбиев); Теэд ходо хүдэлэнгүй шахуу һуужа, табяад модо ябаад үзэл даа, даараагүйдѳѳ даарахаш (Ц.-Д. Хамаев); Даараһан хүнѳѳр гал бү түлюулэ, үлдэһэн хүнѳѳр мяха бү шануула (Оньһ. ү.); даараха хүлдэхэ хүйтэнһѳѳ зобохо (мёрзнуть): Механик хүбүүн хажуудахи сонхоороо бултайн, даараха хүлдэхэеэшье мартажархёод, нюдэнэйнгѳѳ уһататар урагшаа шэртэнэ (Ц.-Ж. Жимбиев); нэбтэ даараха ехээр бээрэхэ (замерзать до костей): Эдэ һанал бодолдоо хүлюулшэһэн юумэдэл, шала дээрэ хүдэлэнгүй һуухадаа, дотор хубсаһаяа нэбтэ дааража захалба (Ц.-Ж. Жимбиев).