ДААЛГАХА

үйлэ ү., идх. залог 1) уялгалха, даабарилха, даабари үгэхэ (поручать, задавать): Дэмы энэ аюултай даабари дүүргэхыень даалгаба гээшэ гүб гэжэ Баторов һанаата болошобо (Б. Шойдоков); харюусалга даалгаха хэн нэгэндэ харюусалга даалгаха (возложить ответственность); 2) хазажа диилэхэ, эритын отолжо, таһалжа, сабшажа шадаха (осилить что-л., быть в состоянии откусить, отрезать, отрубить и т.д.): Шара шүдэндѳѳ һамараа яажашье даалгажа ядаба (Ч. Цыдендамбаев); 3) мэдэрэгдэхэ, хүйтэ гү, али халуу урьяха, уларилай хүйтѳѳр гү, али дулаан халуунаар үлеэхэ, хүйтэрхэ, дулаарха (ощущаться, обдавать холодом или морозом): Машинануудай таршаганаан, баһа гар хажуурнуудай забда залигүй шур-шар, шур-шар гэлдэжэ, айхабтар эршэмтэй хурсаар даалгаһан абяанууд дуулдана (Х. Намсараев); хүйтэ даалгаха хүйтэ урьяха (холодить, обдавать холодом): Шэлын оройһоо Шулуун хада элеэр харлан, һѳѳл зүһэ буруугаар, амаргал хүзүү руу хүйтэ даалган харагдана (С. Цырендоржиев); 4) барг. булиха, диилэхэ (побеждать, одерживать верх): Юрдѳѳ шамаяал даалгахаб даа.