ДҮТҮҮР

1.наречи ойгуур, ойро шадар, ойрохон, холо бэшээр (вблизи, поблизости): Дүтүүр эрьелдэһэн хүнүүдые дурагүйгѳѳр хаража байһан Клименко: – Зай, хоёр доройнууд зоной нюдэнһѳѳ холо болоё! – гэжэ шүдэнэйнгѳѳ забһараар нүхэртѳѳ хандана (Д. Батожабай); дүтүүр танилсаха бэе бэеэ һайнаар мэдэдэг болохо (знакомиться поближе): Тэрээнһээ хойшо Намжал бүхы һайн сэдьхэлээрээ Цырендоржодо хандажа, дүтүүр танилсаха, нүхэсэхые үнэн зүрхэнһѳѳ оролдодог болобо (К. Цыденов); ойро дүтүүр дүтэ наагуур, ойро шадар (поблизости): Зэргэ тойрожо ябаһан бэреэд басагадай ойро дүтүүр гарахадань, хормойень шүүрэхэеэ һанажа, ама хэлэндэ орошогүй шэбшэг муухай үгэнүүдые уйгарлан хэлэжэ байжа гунхагашалдана… (Х. Намсараев); 2. дах. ү. ойгуур, хажуугаар, холо бэшэ зайда (около, близ, возле): Тиимэ дээрэһээ энэ горхондо дүтүүр үндэр бүшэмэг үбһэ ногоон ургадаг (Ц. Шагжин).