ДҮРЭХЭ I

үйлэ ү. 1) шатаха, галда абтаха (гореть, сгорать): Уданшьегүй гэдэргээ орожо ерээд, Жалма үбэлэйнгѳѳ нэхы дэгэлые тайлажа, сээжэдээ дотортой дэгэлээ үмдѳѳд, стол дээрэ дүрэжэ байһан ѳѳхэн дэндээ тоһо нэмэбэ (Ж. Тумунов); дүрэхэ шатаха гал дүлэндэ абтаха (гореть): Үбһэ хулһаниинь хүр саһанда дарагданхай, тэндэ дүрэхэ шатаха юумэн үгы гэжэ харахадаа бусаба (Ц.-Ж. Жимбиев); нижаганан дүрэхэ тас-няс гэһэн абяатайгаар, абьяастайгаар шатаха (гореть с треском): Түмэр пеэшэн соохи хуурай шэнэһэн түлеэн нижаганан дүрэжэ, үүдыень нээхэтэй адли ошо шэдэлүүлнэ (М. Осодоев); дүрэжэ дууһаха дууһан шатахаяа (догорать): Наранай гараха үеэр дүүрэхэ юумэн хуу дүүрэһэн, түрүүлэгшын гэр дүрэжэ дууһаһан байба (Б. Мунгонов); 2) наранда харлаха, халуун элшэдэ шаруулжа, хүнэй арһанай хүрибтэр болохо (обгорать, загорать): Хүбүүд самсаа тайланхай, бэенүүдынь наранда дүрэжэ, улабар зэдтэл боложо хүрилэнхэй, басагад зунай нимгэн, һэрюухэн платитай (Ц.-Д. Хамаев); 2) хордохо (жечь, гореть): Зүгѳѳр гал соо хаягдаһан юумэдэл бэень дүрэнэ (Ж. Тумунов).