ДҮРЭ II

юум. н. 1) ямар нэгэн ажал хэрэг гүйсэдхэхэ арга, оньһон (ухватка, приём): – Эдэ үхибүүд оройдоошье хүдэлмэриин дүрэ мэдэхэгүй аад лэ, тусгаар бригада болохомнай гэжэ тоомоо таһаралдаа гээшэ (Х. Намсараев); дүрэ шадабари дүй дүршэл, арга шадабари (навыки, опыт): Дүрэ шадабаряар дүүрэн шанга, / Дүршэл мэргэжэлээр омог дорюун / Согтой, суутай малшад, таряашад / Хүдѳѳ ажалай хүсэн болоо (Х. Намсараев); дүрэ буляалдаха бүхэ барилдаха (бороться): Тэдэнэй дүрэ буляалдахые удаан хаража байһан мэхэтэй Намдаг энэ ушарые тааһан байгаа (Д. Батожабай); ◊ дүрэдѳѳ абаха барилдаанай үедэ нэгэ бүхын нүгѳѳдэеэ ѳѳрынгѳѳ танюуһатай дүрэ хэрэглэн, дээртэхэ (подчинять своим приёмам, своему влиянию): Байза, эдэ хоёрые хайшан гэжэ дүрэдѳѳ абаад, дүрэтэй сар шэнги болгожо, басаганайнь анза худалдаае миинтэ шахуу болгохом ааб? (Х. Намсараев); 2) баша, арга баша (трюк, искусный приём); дүрэ буруу юрэ бусын, жиирэй бэшэ (необычный, не такой как все): Ямаршьеб ондоохон, дүрэ буруу хүнүүд мүрыень таһалжа ошоһон хэбэртэйл даа (Д.-Д. Дугаров); Юрэдѳѳл, дүрэ буруу айлтай зэргэлжэ hуухада, hайн юумэн үгы, хони малаа гаргаад, шуhаяашье эдилсэхэ аргагүй… (Б. Цыбиков); дүрэ буруу тээһээнь мори унаха мориндо баруун талаһаа һууха (садиться на лошадь с правой стороны); ○ арга гэжэ үгэтэй парн. хэрэгл.