ДҮНГЭХЭ

үйлэ ү. 1) үргэлсэхэ, барилсаха, тодожо абаха (подхватывать, поддерживать): …маяа хүлѳѳ гараараа дүнгэн, үүдэнэй богоһо дээгүүр газаашань хаяад, тарган шара һамган зогсошобо (Д. Батожабай); гарһаа дүнгэхэ тохоногһоо барилсаха (держать под руку): Таня хүбүүнэй гарһаа дүнгэн баринхай, юуншьеб тухай энеэбхилэн зугаалжа ябана (Д.-Д. Дугаров); 2) гамнаха, анхарха, наряар, гамтайгаар хандаха (беречь, заботиться): Харата муу дайнай эхилхэдэ, манай үетэн хамагые абарха, дүнгэхэ шадалгүй байгаа юм аабза (Ц. Дондогой); дүнгэн харалсаха дэмжэхэ, туһалха, харгалзалсаха (поддерживать): Айлай зургаан хүүгэдэй нэгэн, түшэглэн хандаха ахатай, дүнгэн харалсаха дүүнэртэй Света басаганай хүүгэн наһаниинь 1950-яад онуудһаа эхитэй (О. Базарова); 3) хайша хэрэг, һалан хэхэ (делать небрежно, кое-как): Баруун гарайнгаа хажуурай барюул арайхан дүнгэжэ ябаһаншье һаа, хүниие лаб урдаа оруулхагүйб гэжэ найдаһан Эрдэмтэ сүлѳѳтэй амархан, гэдэргээ эрьежэ харангүй, сабшажал мэдэнэ (Ч. Цыдендамбаев); морёо дүнгэхэ морёо уянгүй харша хорёодо жолооень үлгэжэрхихэ (накинуть повод лошади на что-л.): Колхозойнгоо правлениин газаа ерэжэ, морёо дүнгэжэ орхёод, Галша үбгэниие мэгдүүгээр дуудажа ерүүлээд, хойноһоо дахуулжа, правлениингээ канцелярида оробо (Ц. Дон); 4) ямар нэгэн юумэ тулгаха, юумэн дээрэ табид гэхэ (ставить на подставки, подпорки).