ДҮЙРЭХЭ

үйлэ ү. мэнэрхэ, манатаха, бѳѳниихэ, ухаа мэдээ алдаха (шалеть, дуреть, соловеть): Хооһоршоһон хотонь ямар нэгэн үтэ хорхойдо бажуулгаһандал боложо, нюдэдынь харанхалхадал гээд, толгойнь дүйрэнэ (Б. Шойдоков); архиин охиндо дүйрэхэ мэнэрхэ, hогтохо (пьянеть): Инаг дуранай, мүн архиин охиндо дүйрэһэн үхэршэн Эржэниие нарин матаргайгаарнь таһа тэбэринхэй, зоогдоһон мэтэ зогсохо юм (М. Осодоев); тархи толгойгоо дүйрэтэр ухаа алдатар (до одурения): Шалгалтын туласа ерэшэхэдэ, үдэр һүнииешье ойлгохоёо болишоод, тархи толгойнгоо дүйрэтэр саарһа шагааха сагууд болодог (Г. Дагбаев).