ДҮҮЖЭН

1. юум. н. һэнжэгээдэжэ наадахын тула түхеэрэгдэһэн, үндэр хоёр баганын хоорондо бэхилэгдэһэн хүндэлэнһѳѳ һанжаһан ооһорто гү, али ута түмэртэ торгогдоһон һандалитай оньһон барилга (качели): Юуб гэхэдэ, энэ томилолго болохо гү, али үгы гү гэжэ дүүжэн дээрэ мэтээр хэлсэгдэжэл байгаа бшуу (Б. Мунгонов); 2. тэмд. н. 1) һэнжэгээдүүлһэн, үлгэгдэмэл (подвешенный, подвесной); дүүжэн хүүргэ хоёр эрьеһээ татагдаһан аргамжануудта үлгэгдэһэн һэнжэгэнүүр хүүргэ (подвесной мост); дүүжэн шэрээ урагша хойшоо хэлбэлзэжэ байхаар хэгдэһэн хоёр нугылгаһан улатай һуури (кресло-качалка); дүүжэн орон хоёр модоной гү, али баганын хоорондо ооһороор татагдажа уягдадаг үргэн бүд орон (гамак); дүүжэн үлгы гэрэй үһээдэ бэхилэгдэһэн ута нарин модоной нэгэ үзүрһээ үлгэгдэн, дээшэ доошоо хэлбэлзэн байхаар зохёогдоһон үлгы (подвесная колыбель); дүүжэн урьха анг. залуу нарин модоной үзүүр нугалан татажа уягдаһан урьха, амитанай үеэ зуужа зулгаахатай адли модон татуургаһаан мултаржа, гэнтэ сэхэрхэдэнь, урьха тэрэнэй хоолойдо татагдан боодог (ловушка); 2) хэлбэлзэлгэ зѳѳлэрүүлхэ оньһотой (рессорный): Хэлэгты даа, хоёр улаанаараа ерээ гүт, али хотолзомо сидейкэ, дүүжэн тэргээр ерээ гүт? (Ч. Цыдендамбаев).