БУУЛГАГДАХА

үйлэ ү., хүлеэгд. залог 1) ашаанай унаа дээрэһээ хэрэгсэлэй абтаха, газарта хаягдаха (выгружаться, разгружаться): Шэнэ гэрэй модоной газаань гүйсэд буулгагдаад байхада, түрүүлэгшэ хүхишѳѳ һэн (Ц.-Д. Хамаев); 2) доошоо болгогдохо, доошонь оруулагдаха, доошолуулагдаха (быть спускаемым, спускаться): Хонишон Дармын һүрэгһѳѳ таһаржа хада ѳѳдэ гүйлдэһэн хонид хүнүүдэй туһаламжаар буулгагдаба; 3) хуулагдаха, хуулан бэшэгдэхэ (копироваться): Энэ бэшэг нэгэ саарһанһаа ондоо саарһанда буулгагдажа бэшэгдээгүй гээшэ ха (Ч. Цыдендамбаев); 4) фото гү, али видео дээрэ абтаха, фото-зурагаа абхуулха, карточкада орохо, дүрѳѳ буулгуулха (сниматься на фото или видео): Буряад дэгэлтэйшье, тэрлигтэйшье танигдаагүй эрэшүүл, эхэнэрнүүд болон үхибүүд фото-зурагууд дээрэ буулгагдаһан байба (Б. Мунгонов); Мүн США-дашье энээн тухай кино буулгагдажа байнхай (А. Батомункуев).