БУРАХА

: хѳѳһэ бураха үйлэ ү. 1) амаараа хѳѳһэ гаргаха, хаялха (пускать пену изо рта): Эмниг морин тэдэнэй гарһаа мултарха гэжэ аһан шадалаараа оролдохо, … аманһаань хѳѳһэ буража, хамарайнь нарбанууд һарналзан хүдэлжэ, хоолой сооһоонь һүрѳѳтэй муухай хиигалаан, хэршэгэнээн дуулдахал даа (Д. Батожабай); Зариманиинь амаараа хѳѳһэ буран, эхынгээ дэлэн дэхэн дэхэн, хомхойгоор хүхэжэ байһан хѳѳрхэн тугалнуудые хайрагүйгѳѳр эхэһээнь таһалан татана (Ц. Дон); 2) хѳѳһэтэхэ (пениться): Харин хадын дошхон уһанай долгин ѳѳрынгѳѳ ябталһан эрьедэ торолдон, ууртайгаар хѳѳһэ буража, саашаа мухаридаг болобо (Д. Батожабай).