БУЛЯАХА

үйлэ ү. 1) хүнэй юумэ хүсѳѳр эзэрхэжэ абаха, шүүрэхэ, гарһаа һуга татан абаха (вырывать, выхватывать из рук, брать силой, отнимать): Буряад ангуушанай буугаа буляаха гэжэ забдахадань, ехэ һахалта хоорондуурнь орожо, холодуулба (Д.-Д. Дугаров); буляажа абаха эзэрхэн абаха, эзэрхэхэ, эзэмдэхэ (отнимать, захватывать): Хонишон эхэнэрһээ буляажа абаһан хээр мориёо хайра гамгүйгѳѳр сабхиингаа һүеыгѳѳр нидхэрнэ, бүдүүн нойтон бургааһаар шабхуурдана (Б. Мунгонов); бай буляаха шагналай түлѳѳ урилдаха, тулалдаха (состязаться за приз, напр. в борьбе или на скачках); 2) эзэмшэхэ, эзэмдэхэ (овладевать, завладевать): Городһоо ерэжэ үрдеэгүй шахуу байһан аад, нютагайхинайнгаа һанал бодолые иимэ бэлэхэнээр буляаба (Д. Эрдынеев); дура (гү, али зүрхэ, сэдьхэл, дура сэдьхэл) буляаха ѳѳр тээшээ татаха, ѳѳртѳѳ дүтэлүүлхэ, дура татаха, сэдьхэл татаха (привлекать симпатии, нравиться, очаровывать, пленять): Үнѳѳхи хонйнойнгоо һү нюуртаа түрхеэ һаа нилээдгүй сэбэрхэнүүд боложо, ямаршье хүбүүдэй дура буляаха бэлэйбди (Ц.-Ж. Жимбиев); Залуу басаганай халуун зүрхэ буляажа, наһанайнь нүхэр болохо үйлэ хубида хүртэһэн манай хүбүүн Дармажаб үгэ хүүр хомортойхон, томоотой номгохон һууна даа (Б. Мунгонов); Юбкын хормой, сабхиин түрии хоёрой хоорондохи эхэнэрэй нюсэгэн хүл Насагай дура сэдьхэл буляана (Г.-Д. Дамбаев); нюдэ буляаха һайханаараа хүнэй анхарал татаха, нюдэ хужарлуулха (привлекать взоры, очаровывать): Энэ урдань уняарта тала, тэрэ урдуур мүнгэтэн долгилогшо Ага гол залуухан басаганай нюдэ буляан, сэдьхэл хүдэлгэн харагдана (Д. Эрдынеев); 3) ондоо хүнэй басагые ѳѳртѳѳ дурлуулха (отбивать, уводить девушку или парня): Зүгѳѳр тэдэ хоёрой нүхэсэлые эбдэхые гэхэ гү, Ринчинһээ Тамарые буляаха һэдэлгэ хэхэ зүрхэтэйшүүл олдодоггүй байгаа (С. Цырендоржиев); Ши урдань хада минии инаг нүхэрые буляажа, намайе яһалал зобоогоо һэнши (Ц.-Ж. Жимбиев).