БУЛТАЙЛГАХА

үйлэ ү., идх. залог 1) тобойлгохо, али нэгэн юумэнэй саанаһаа гаргаха, харуулха (высовывать, выпячивать): Долгормаа хани басаганайнгаа хойно ороод нюураа ээмэйнь саанаһаа бултайлгаад, юушьеб хүлеэһэндэл, гайхаһандал, Доржые алдангүй шэртэнэ (А. Ангархаев); хэлэеэ бултайлгаха хэлэеэ гаргаха (высовывать язык): Оролдолгынгоо ехэдэ хүбүүхэймнай хэлэеэ бултайлган шииганана (Б. Мунгонов); шүдэнүүдээ бултайлгаха шүдэеэ харуулха, ирзайлгаха, ирзагад гүүлэхэ (обнажать зубы): Уулзаһаар гараа һарбайжа, жэжэхэн сагаан шүдэнүүдээ бултайлган, нюурынь ажаглан хаража, түрүүн дуугархыень хүлеэһэндэл зогсобо (Ц.-Д. Хамаев); 2) гаргаха, харуулха, үзүүлхэ (обнаруживать в себе, выказывать).