БУЛТАЙХА

үйлэ ү. 1) тобойхо, обойхо, шобхойхо, хүрхыхэ, харагдаха (высовываться, выпячиваться, торчать): Хүбүүхэн хүнжэл сооһоо бултайжа, эжынгээ ехэл айһан һүрдэһэн янзатай һуухыень тухайлба (Ц.-Ж. Жимбиев); Хайрангын саанаһаа наран бултайжа, саадахи үндэр хадануудай шобхогор орой дээрэ туяа элшэеэ гиигүүлжэ байгаа һэн (Ц.-Д. Хамаев); Гэрэй ханын бүдүүн модоной забһараар шэнэ ногоон хүбхэн бултайна (Ч. Цыдендамбаев); шүдэнэй бултайха нарай үхибүүнэй түрүүшын шүдэнүүдэй гараха (прорезываться – о зубах); 2) харагдаха, үзэгдэхэ (обнаруживаться); ◊ гуулиниинь бултайха муунь харагдаха (показывать свою дурь): Эгээл эндэ гуулиниинь бултайжа, Табхаандайн хэр зэргын зохёолшо боложо ябаһые Арсалан ойлгожорхибо (Ц. Шагжин); яһанай бултайтар зараха тэнхээ таһартар зараха (заставлять работать до изнеможения): Хэрбээ ганса үнеэемни абаржа туһалаа һаа, яһанаймни бултайтар зараарай, бэе мяхамни гамгүй гэжэ гуйхамни (Ч. Цыдендамбаев).