БУЛИМТАРХА

үйлэ ү. 1) юумэ эзэмдэхэ, дайлан (хүсѳѳр) абаха, хүсэрхэхэ (захватывать, забирать силой, насильничать): – Бидэнэр хүнэй газар уһа, эд зѳѳри булимтарха гэжэ ябаа бэшэбди (Б. Санжин, Б. Дандарон); булимтаржа абаха, булимтаран орохо хүсѳѳр абаха, хүсэрхэн дайлаха (захватывать, отнимать): Бадма абгайн захиралтаар энэ булимтаржа абаһан сабшалангыень мүнѳѳ сабшажа ябаһан хүбүүд, минии хоёр хүбүүдһээ эхилээд, бултаараа үгытэй ядуу хальбангуудай хүбүүд ха юм (Х. Намсараев); Манай сэрэгүүд булимтаран ороhон дайсанда хатуу шанга сохилтонуудые үгэhѳѳр зүүн зүг уруу сухарижа байба (Г.-Д. Дамбаев); булимтаран эзэлэгшэ эзэмдэгшэ, сэрэг дайгаар эзэлэгшэ (захватчик, оккупант); 2) булюу байха, диилэнхи байха, олонхи байха (преобладать, доминировать).