БУЛАНТА

гурбан буланта 1. юум. н., тоо б. 1) гурбан булантай дүрсэ, гурбан углуутай юумэн (треугольник): Адли талануудтай гурбан булантын булан бүхэниинь 60 градусай хэмжээнтэй юм; 2) шэлж. Эсэгэ ороноо хамгаалгын дайнай үедэ сэрэгшэдэй бэшэгүүд (треугольник, письмо); 2. тэмд. н. гурбан углуутай (треугольный): Харин тэрэнь шара халюугаар һэхэмэл үргэн заха хэһэн дэгэлтэй, үдэтэй гурбан буланта шляпа толгойдоо табиһан бараг янзын ород ноён байба (Б. Санжин, Б. Дандарон).