БУЙЛУУЛХА II

үйлэ ү., идх. залог 1) эдеэ хоол амтатайгаар бэлдэхэ, юумэндэ амта оруулха (вкусно готовить, сдабривать): Аарсаяа шанаһан яарсын орооһонтой буйлуулжа халаадаг байгаабди (Ц. Шагжин); 2) юумэ болбосоруулха, элдэхэ, эд болгохо (обрабатывать, обделывать): – Зариман шулуун нүүрһэ, нефть, түмэрэй, зэдэй руда газарһаа малтажа, тэрэнээ буйлуулжа гү, али худалдажа, алта мүнгэн болгоно (А. Ангархаев); 3) ойлгожо хадууха, ухаалдиха, бодомжолхо (усваивать, воспринимать, обдумывать): – Доржо, ном уншаха, тиигээд уншаһанаа бодожо үзэхэ, буйлуулха саг яһала байдаг (Ч. Цыдендамбаев); Үхибүүн ухаамни иимэ юумэ буйлуулжа мэдэхэгүй байгаа (Ц.-Д. Хамаев); 4) шэлж. хээлитэй болгохо, үрэ бии болгохо (оплодотворить, сделать ребёнка): Нюуса далдаар буйлуулһан үхибүүдынь колхозой бригада бүхэндэ мүнѳѳ бии, ондоо тээгүүршье байхадаа болохо (М. Осодоев).