БУДАГТАЙ

тэмд. н. шэрэтэй, будаг, үнгэ оруулһан (выкрашенный, окрашенный): Бадууха хэды гажаранги ябабашье, найман ханатай налшагар гэрэй газаа байһан будагтай ханзын хажууда тогтобо (Б. Санжин, Б. Дандарон); нэгэ будагтай адли үнгэтэй (одноцветный): Эдэ бүгэдэ тус тустаа ондо ондоо үнгэтэйшье һаа, юрэнхы дээрээ нэгэ будагтай (Ж. Тумунов); ногоон будагтай ногоон үнгэтэй, ногооноор шэрдэһэн (зелёный, зелёного цвета): Энэ тэрэ һонин дуулахаяа колхозой правлени ошоод, гэр тээшээ Жамган үбгэнэй бусажа ябахада, хадын боориие зубшаад, ногоон будагтай машина табилуулжа ябаба (Ж. Тумунов); будагтай хубсаһан угаахада гү, али нороходоо, шэнгээгдэһэн будагаа алдадаг, гарадаг, бусад юумэндэ будагаа халдахаадаг, шэнгээдэг хубсаһан (закрашенная одежда).