БОРОБТОР

тэмд. н. 1) борошог, боролгы, хүхэльбэ үнгэтэй (сероватый): Ханануудынь сагаадагданхай, тэрэнь саанаһаа сэнтэһэн юумэдэл сиидыжэ, боробтор үнгэтэй болошоо (Х. Намсараев); 2) хүрин хара, бараан – хүнэй арһанай үнгэ тухай (довольно смуглый): Боробтор хурсахан шарайтай… (Х. Намсараев); 3) бууралтажа эхилһэн, бууралтад гэһэн (седоватый): Энэ үедэнь таһагайнь үүдэн гэнтэ нээгдэжэ, сайбар хүхэ һоёо һахалтай, боробтор болоһон толгойтой … хүн бултайжа … гэдэргээ сухарин, үүдэеэ хаахаар забдаба (Х. Намсараев); 4) юрэ хирын, борохон (простоватый).