БООЛТО

юум. н. 1) уялаа, зангилаа, боодол, орёогоотой юумэн, бүхэлэлтэ (связка, свёрток): Отолһон мүшэрнүүдые Гарма үгэ дуугүйгѳѳр суглуулжа, боолтонуудые боожо захална (Ц.-Д. Хамаев); Шойдог ламбагай энеэгээд, үбэрѳѳ һуулижа, хадагта уяатай боолто сооһоо шоогой гурбан сагаахан шагай гаргана (Д. Эрдынеев); 2) боодол, уяа (повязка, перевязка): Шуһа гүйшэһэн улаан нюдэтэй Аламжа толгойнгоо бүд боолто шангадхан, хажуудань зогсобо (Д. Батожабай); боолто һэлгэхэ шархые шэнээр боохо (делать перевязку): – Би танай шархын боолто hэлгээд үгэhүүб (Г.-Д. Дамбаев); хүзүүнэй боолто шарф, хүзүү дулаалха зурууд бүд, хубсаһанай нэгэ зүйл (шарф); 3) таряанай уялаа, осноог (сноп): Сукоевой боолтонууд хүдэр бата бүһэ бүһэлһэн солдадууд шэнги: тэг дундуураа нарин, дээгүүрээ һархагар – жэгтэй гоёнууд (Ж. Тумунов); 4) бүһэлүүр (обруч): Шулуун дорохи нүхэн соо түмэр боолтотой хоёр хайрсагхан, Шонын бэдэрһэн годон туулмагтай алтан байба (Б. Санжин, Б. Дандарон); 5) угс. үйһэ хара хилэнгээр бүреэд, дээрэнь шүрэнүүдые, үгышье һаа, мүнгэ ута руунь һубарюулан хадаһан туйба хабшаад байдаг гоёолто (болто, украшение для волос женщины): Энэ дүхэригэйнь тэг дунда малтаһан зууха дээрэ хоёр ехэ тогоо табижа, жомбогор үндэр малгайтай, татуур боолто зүүнхэй гоё гоё бэреэд сай шананад (Х. Намсараев); 6) һаалта, хаалта, һаад (преграда, препятствие, барьер); ○ хаалта гэжэ үгэтэй парн. хэрэгл.