БООБО

юум. н. 1) талха һүндэ зууража, мүн шара тоһо холилсожо элдээд, хоёр захань түхэреэлүүлэн зохёогдоһон, хорёод сантиметр утатай, гонзогор, тоһондо шарагдаһан талхан хоол (бобо, обжаренный на масле длинный корж из пресного теста): Бууза хуушуур, бообо саахараар байгаад ерэнэ (Х. Намсараев); 2) һүндэ зуураад, шара тоһо нэмэжэ элдэһэн талхаар элдэб түхэлтэйгѳѳр мушхажа, урбуулжа, элдэб түхэл гаргаһан, мүн лэ тоһондо шарагдаһан хоол (хворост): Амтатай бообо тоһондо шарахадань, хүршэ һууһан ламын хашаа хүрэтэр тоһоной хурса үнэр гарадаг һэн (Д. Батожабай).