БОЛЮУЛХА

үйлэ ү., идх. залог 1) усадхаха, хорихо, зогсоохо, үгы хэхэ, тогтоохо (прекращать, отменять, упразднять, аннулировать): Тэрэ муухай нүгэлтэ хэрэгһээнь хүбүүе яажа болюулха тухайгаа һанаан үнѳѳндэ унаба (В. Гармаев); халууруулга болюулха халууень бууруулха (сбивать температуру): Хорло толгойн үбшэн ба халууруулга болюулха эм эдеэнэй таhалга соо бэдэрээд олобогүй (Г.-Д. Дамбаев); уулзалга болюулха уулзахагүй болгохо (отменить встречу): Суглуулхынгаа урда нэгэдэхидээ ороод, энэ уулзалга болюулха байгаабди гэжэ дурадхааб (Ц. Цырендоржиев); 2) буулгаха, гаргаха, сүлѳѳлхэ (увольнять, снимать, освобождать): Хожом һогтуу харагдаа һаань, машинаһаань болюулха гэһэн шиидхэбэри абтанхай (Ц.-Д. Хамаев); 3) унтарааха, таhалха (выключать): Дуугаржа байһан радиогоо болюулаад, зѳѳлэхэн хүнжэлдѳѳ ороходоо: – Түрүүшымни үдэр амжалтатай үнгэрбэ… (Ц.-Д. Хамаев); 4) дуугай болгохо, амыень хааха, дуугарахыень тогтоохо (затыкать рот, заставлять замолчать): – Витя, хүрѳѳл даа, боли! – гэжэ Мэлс хажуудахияа болюулба (Г.-Д. Дамбаев).