БОЛОЛСОХО

үйлэ ү., хамтадх. залог суг, хамта болохо (стать, сделаться): Хэрбээ баян хүнэй «хэды малтайбта?» гэжэ асуугаа һаа, тантай худа ураг бололсоо һаа, хурим түрэ, худалдаа шарууһа хэхэ зѳѳри бии даа гэжэ харюусаха (Ч. Цыдендамбаев); үбгэ һамган бололсохо гэрлэхэ, гэр бүлэ болохо (жениться, создавать семью): Артелиин гэшүүд, илангаяа залуушуул, Самбуу Цэрэмжэд хоёрой хамта сугтаа үбгэ һамган бололсожо һуухые хүлеэхэеэ болиһон юм (Ж. Тумунов); адли бололсохо шанар шэнжээрээ ойро болохо, адлидаха, дүтэрхы болохо (уподобиться кому-л.): Сэрэнцүү балай тамхиншашье бэшэ аад, миин тэдэнээр адли бололсожо, утаа гарган һууна (Ц.-Ж. Жимбиев).