БОЛОХОДОО

зарим үгэнүүдтэй суг хэрэглэгдэн, тогтомол, оролто үгэнүүдые бии болгоно; тушаан болоходоо а) һайн ушараар, һайн тохёолдолоор (к счастью, на счастье): Тушаан болоходоо, гэнтэ гарнуудынь ѳѳһэдѳѳ барилсашаһан байжа, тэдэ хоёрой саашадаа дүтэлэлсэхэ хэрэгтэ туһалаа һэн (Ц. Шагжин); б) хорондо, хороной хорондо (как назло): Тушаан болоходоо, тэнгэридэ һара харагданагүй (Д. Батожабай); (аза) талаан болоходоо һайн ушараар, һайн тохёолдолоор (по счастью, на счастье): Энэ моримнай талаан болоходоо һайн, хүсэтэй, хүдэлмэришэ, эсэхэ сусахагүй морин байшаба (Ц. Шагжин); Харин Доржын аза талаан болоходоо, сугларһан айлшад тэрээн тухай дары түргэн мартана (Ч. Цыдендамбаев); шоро болоходоо хорондо, муу ёроор, ёро болоходоо (на беду, к несчастью); тодхор болоходо талааниинь буруулхадаа, ямар нэгэн муу юумэнэй тушаалхадаа (на беду): Тодхор болоходоо, генерал-адъютантын нюдэндѳѳ хэдэг пенснэ олдожо үгэбэгүй (Д. Батожабай); иимэ болоходоо тиимэ ушарһаа, тэрээнһээ уламжалан (поэтому, в связи с…): Харин гэрэй оршолон иимэ болоходоо, ажалнишье урагшатай, ехэ хүсэ гаргангүй хэһэн мэтэб (Ц. Цырендоржиев).