БОЛБОСОН

тэмд. н. 1) гэгээрһэн, эрдэм һургаалтай, соёл болбосоролтой (просвещённый, культурный, цивилизованный): Хүгжэм мэдэхэ болбосон хүнүүдэй дунда байһан дээрэһээ юу наадахаяа хэлэхэгүйб (Ч. Цыдендамбаев); 2) хүсэд болоһон, эдеэшэһэн, наһаа, бэеэ хүсэһэн (спелый, зрелый); 3) эдлүүрилэгдэһэн, эдлүүрилгэдэ байһан (обработанный – о полях): Тэрэ Хонхор Булагай айлнуудһаа баруун тээшэ, … зэрлиг талада одоо болбосон таряалан жэрбын халюуржа, … тракторнуудай таряа хадаха абяан ташаганан дуулдана (Ц. Дон).