БОДОЛ

юум. н. 1) хүнэй ухаан, бодомжолго, һанаан (мысль, мнение, предположение): Бодолоор юумэн дархалагдадаг hаань, гайхалтай гоё юртэмсэ зохёохолби (Э. Зандраев); бодолдо абтаха (гү, али баригдаха, дарагдаха) бодолготохо, бодолгодо хатаха, һанаагаа табиха (задумываться, погрузиться в раздумье): Хүнэй хуби заяан гээшэ ямар һонин гээшэб даа гэжэ Женя басаган үшѳѳ залуу гүлмэршье һаа, бодолдо абтадаг болонхой (Г. Дашабылов); Бодолдо баригдаһан мүргэлшэн талаар шагнаархаһаар, нюдэнэйнгѳѳ шэл зүүжэ, гэдэргээ эрьен, дүтэ шадар хүнэй үгы байһаниие дахин лаблана (Д. Батожабай); Мүнѳѳ һая хүхюутэй байһан шарайнь баһа бодолдо дарагдаба (Д. Батожабай); гунигтай бодолдо эзэлэгдэхэ гунитай юумэ бодохо (быть охваченным грустными мыслями): Эсэгынгээ ямар нэгэн гунигай бодолдо эзэлэгдэн һуухыень Чэмэд ара талаһаань тухайлан хэбтээ һэн (Д.-Д. Дугаров); бодол гүйлгэхэ бодожо үзэхэ (думу думать): «Хэлэлтэй гү, али нюултай гү?» гэжэ Мария толгойдоо бодол гүйлгэбэ (С. Цырендоржиев); далда бодолоо элирүүлхэ далда һаналаа хэлэхэ (высказывать тайное предположение): – Галгүй һууһаар хүлдэшэхэбди, – гэжэ Дамба далда бодолоо элирүүлэн үгэлбэ (Д.-Д. Дугаров); ◊ боро бодолой агсаа наймаа (обмен натурой, натуральный обмен): Юуб гэхэдэ, буряадууд ородуудые бултадаа муу зон шэнгеэр һанадаг болохоһоо гадна боро бодолой агсаа наймаа тэдэнээр хэхэеэ болиһон юм (Б. Санжин, Б. Дандарон); ○ сэдьхэл, ухаан, үзэл, һанал гэжэ үгэнүүдтэй парн. хэрэгл.