БОДОХО I

үйлэ ү. 1) шэбшэхэ, бодомжолхо (думать, обдумывать, размышлять, соображать): Энэ муу хэрэгтэ намайгаа түлхижэрхёод, ѳѳрѳѳ сэбэрхэн гарашаха гэжэ бодожо ябана хаш (Ц. Шагжин); бодожо үзэхэ али бүхы талаһаань хаража, бодомжолжо үзэхэ, шүүбэрилхэ (думать, обдумывать, взвешивать): Һайтар бодожо үзэхэ хэрэгтэй байна, энэ хэрэгые эрхэ бэшэ бэелүүлхэ ёһотойбди, тиимэ дээрэһээ тон найдалтай хүн ударидаха ёһотой (Г. Цыдынжапов); бодол бодохо шэбшэхэ, бодомжолхо (думать, размышлять): Бага ябахадаа, Алдар үетэн нүхэдһѳѳ таһаржа, гансаарханаа зайжа, шэмээ аниргүй ой соо гү, али талада дуу дуулан, бодол бодон гэшхэлхэ дуратай һэн (Ц.-Д. Хамаев); бодоходо харахада, тухайлхада (судя, в зависимости); Республикын ажалтанай салин дунда хэмжээгээр бодоходо дүшэн гурбан мянгада хүрэнхэй; 2) тоодо оруулха, һанаха (считать кем-л., чем-л., принимать за кого-л., что-л.): Зарим бирагүйхэн хүнүүд ѳѳрыгѳѳ бараг дээрэ бодохо дуратай агша; бодохогүй тоохогүй, ѳѳдэ абахагүй, ѳѳрэгүй байха (не считать кем-л., чем-л., относиться безразлично); юумэндэ бодохогүй хайша хэрэг хандаха, шоо үзэхэ, шоодборилхо, газаашалха (презирать); ◊ нохойн годондо бодохогүй тоохогүй, юумэншье гэжэ һанахагүй (не обращать внимания): Тиимэһээ Доржо үбгэн мүнѳѳ Бадма абгайнда ошожо, энэ болоһон ушарые дуулгахаяа нохойншье годондо бодохогүй байгаа (Х. Намсараев); 3) тоолохо, тоо бодолго хэхэ (считать, решать задачу, вычислять); бодон гаргаха ямар нэгэн юумэ тоолон дүн гаргаха (вычислять, высчитывать); 4) баруун бур. хүндэлхэ (уважать, почитать).