БОДХООХО

, бодхохо үйлэ ү., идх. залог 1) сэхэ дээшэнь шэглүүлхэ, һууриһаань ѳѳдэнь болгохо, үндылгэхэ, хүл дээрэнь табиха (поднимать, ставить вертикально, заставить подняться): Тугаар багсааһан ёһоороо хабсагайда хүрэжэ, буугайнгаа шабха бодхоогоод, һэмээхэнээр бултайхадань, тураг ан тэндээ байгаагүй (Д.-Д. Дугаров); Тиигээд лэ эхэнь оронойнь эрмэг һандайлан һуунтараа, жаахан хүбүүгээ үргэн бодхооно (Ц.-Ж. Жимбиев); заха бодхоохо заха дээшэнь болгохо (поднимать воротник): Газаа хүйтэн бэшэшье һаань, залуухан граф дэгэлэйнгээ булган заха бодхообо (Ч. Цыдендамбаев); хүл дээрэ бодхоохо а) хүл дээрэнь зогсоохо, байлгаха (ставить на ноги): Гарһаань татажа, һугаһаань үргэжэ байгаад, хүл дээрэнь бодхообо (Б. Мунгонов); б) аргалха, эмшэлхэ, анагааха (вылечивать, избавлять от болезни): Тэрэнь яһала оролдосотойгоор аргалжа, эм дом уулгажа, хүл дээрэнь бодхоогоо (Б. Санжин, Б. Дандарон); в) үндылгэхэ, хүмүүжүүлхэ, хүн болгохо, бэеынь олгохо (растить, воспитывать, доводить до самостоятельности): Хэн шамайе үргэжэ, хүл дээрэшни бодхоогооб? (Ц. Шагжин); 2) һэрюулхэ, һэреэхэ (будить): Мүртэй унтаагүй хоноһон Дугар бригадир үүр сайлганаар шахуу бидэниие бодхообо (С. Цырендоржиев); 3) юумэ бариха, һэргээхэ, байгуулха (строить, поднимать, воздвигать): Теэд мүнѳѳ шэнэ гэр бодхоохо гээшэ хүндэ хүшэр хэрэг ха юм (Ц.-Ж. Жимбиев); хүшѳѳ бодхоохо наһа бараһан хүнэй гү, али ямар нэгэ болоһон ушарай мүнхэ дурасхаалай тэмдэг болгон бүтээл табиха, бариха (воздвигать памятник): Ган-Буладай һайхан дурасхаалда һургуулиингаа хажууда хүшѳѳ бодхоожо болохогүй юм гү гэжэ һурагшад дурадхаа (Ц.-Д. Хамаев); 4) дэгдээхэ, дээшэнь үргэхэ, үүдхэхэ (поднимать вверх): Хүл доронь һэбшээнэй бодхооһон шорой шохой хуйлааһалан тооһорно (А. Жамбалдоржиев).