БИСА

шангадх. ү. низа, хабтайтар, бала, огто, бүри, зада (в лепёшку, совершенно): Немецкэ хүндэ танкнууд гусеницээрээ нойтон газарые биса дараһаар, Устиновай полкын түрүү линидэ тулажа ерэбэ (Х. Намсараев); биса гэшхэхэ низа гэшхэхэ (растоптать): Тиин тэдэнэр түргэхэн хуурай мүшэр суглуулаад, Батанайнь бѳѳгэй үйһэн түйсэ биса гэшхэһэн бэеэрээ шуура татажа, мүшэр дороо хэбэ (Б. Санжин, Б. Дандарон); биса бажууха бала, тэһэ, шангаар бажууха (крепко сжимать): Хоолойень биса бажуужа / Худаг руу шиихагты! (Ц. Шагжин); тэһэ биса баярлаха айхабтараар баярлаха (безмерно обрадоваться): Доржижабай Балдан хүбүүтэй болоһоноо дууламсаараа одоо тэһэ биса баярлажа, … һомоной зүблэл тээшэ соёргобо (С. Цырендоржиев).