БИЛТАРХА

үйлэ ү. 1) халижа гараха, адхарха (переливаться через край – о жидкости, высыпаться, выходить из берегов – о реке): Талын дунда алим жэмэсэй сэсэрлиг соо шунгаһан тосхоной хажуугаар олон һалаа каналаар дүүрэн уһан билтарна (Д.-Д. Дугаров); 2) шэлж. дан ехэ болохо, хэтэрхэ, элбэгжэхэ, дээшэлхэ (переполняться, становиться обильным): Сагаан һарада, сагаан эдеэнэй билтаржа байха үедэ, сагаан эдеэнэй дээжээр нэрэһэн арза амталжа үзѳѳ һэн гүт? (Ц.-Д. Хамаев); Теэд минии зосоо үнэн гээшэ багтажа ядан билтаржа байгаа һэн (Ц. Шагжин); баяраар билтарха баяраар халиха (переполняться радостью): Мойһон шугы ошохо замдаа сэдьхэлни баяраар билтаржа, хүл нюсэгээр гүйһэн наһаяа һэргээн, үетэн нүхэдѳѳ дурдан ябабаб (Д. Доржиева).