БѲѲГНЭРХЭ

үйлэ ү. 1) олон юумэнүүдэй нэгэ доро обоорхо, сугларха, бүлэглэхэ (скапливаться, скучиваться, группироваться): Тугаарай шанга халуунда тархяа дороо хээд, бүлэг бүлэгѳѳрѳѳ бѳѳгнэрэн байшаһан хонидынь мүнѳѳ жииган бэлшэжэ оробо даа (Б. Мунгонов); 2) тооһон, уурал, утаан, мананай баглайрха, бааяха, ууяха, урьяха, үрхирхэ (клубиться): Хүнгэн сагаан тооһон ногоон дайдын оройгоор бѳѳгнэрэн дэгдэнэ (Ж. Тумунов); 3) досоо муу болохо, торохо (становиться не по себе, дурно чувствовать себя, застревать): Хамаг бэень дагжа һүрэнэ, толгойнь үбдэнэ, досоонь бѳѳгнэрнэ (С. Доржиев); Хоолой ѳѳдэнь нэгэ юумэн бѳѳгнэрэн гараад, амииень хаажа байһандал болоно (М. Осодоев).