БЭЛТЭГЭР

тэмд. н. 1) ехэ, бэлсэгэр, бүлсэгэр (выпученный, навыкате, вытаращенный – о глазах): Сэрээтэр Намжал уруу нэнгэжэ, нюдэ уруунь ѳѳрынгѳѳ наашаа бага түбылдэһэн бэлтэгэр нюдѳѳр нэгэшье сабшангүй сэхэ хараба (К. Цыденов); бэлтэгэр түхэреэн нюдэн наашаа гараһан нюдэн (глаза навыкате): Хойноһоонь хаража байһан Цэрэнэй бэлтэгэр түхэреэн нюдэд аалихан уйтарба (Д. Эрдынеев); 2) ехэ нюдэтэй, наашаа гараһан нюдэтэй (с выпученными глазами): Эрхэ хонгор, бэлтэгэр сагаахан Долгормааень мэхэ гохоор олоһон мүнгѳѳрѳѳ мэхэлэн эльбэдээд, гүлмэрдүүлээд, гартаа оруулаа (С. Цырендоржиев).