БЭЛШЭЭРИ

юум. н. 1) мал адууһанай бэлшэдэг ногоо элбэгтэй газар (пастбище): Энэ бэлшээримнай эгээл ехэ дайдые эзэлнэ, тэрэнээ хододоо һайжаруулжа, хур хагдыень галдажа, хартаганаа жэртэгэнээнһээнь арилгажа байха хэрэгтэй (Ц.-Ж. Жимбиев); бэлшээридэ гаргаха ногоо эдихыень табиха (выпускать на пастбище): Минии эгэшэ үнеэдээ һаажа, бэлшээридэ гаргаад, унтаридаа дахин оробо (Д. Доржиева); бэлшээри һэлгүүлхэ (гү, али урилха) малаа нэгэ газарһаа нүгѳѳ, ногоо һайтай газар туужа абаашаха (менять пастбище): Зулгааха юумэн одоошье барагдаа гэжэ һанахадаа, адуун һүрэгѳѳ ондоо тээшэнь туужа, бэлшээрииень һэлгүүлдэг байгаа (М. Осодоев); Тэдэнэр үдэр соогоо хэдышье дахин бэлшээри урилаа һаа дуратайл байха (Ц.-Ж. Жимбиев); бэлшээри һайтай газар ургаса ногоогоор баян газар (местность с хорошими пастбищами): Юундэб гэхэдэ, үхэр мал гол горхо уруудан, бэлшээри һайтай газараар яаралгүй туугдахадаа, тамир тэнхээгээ алдахагүй бшуу (Ц.-Ж. Жимбиев); тунга бэлшээри гэшхэгдээгүй, үлтигдѳѳгүй ногоотой газар (нетронутое пастбище): Шагнахадань, нугын тунга бэлшээридэ үнеэдээ залаһан Түгэд хамар дорохоноо ямар нэгэ дуу гүнгэнүүлһээр дүтэлэн ерэбэ (М. Осодоев); 2) ногоондо гаргалга (выпас, пастьба): Үдэшын бэлшээридэ гараһан адуун сарам ѳѳдэ бэлшэн холодожо, гүүнүүдэй үүрһэхэ, унагадай инсагаалдаха шэмээн улам бүглүү боложо дуулдана (Д.-Д. Дугаров); һүниин бэлшээри адуу малаа һүни эдеэлүүлхээр гаргалга (ночная пастьба, ночное): Энээнһээ урда адуугаа һүниин бэлшээридэ туужархёод, үүр хяраанаар ошожо харадаг бэлэй (Д.-Д. Дугаров).