БЭЛЭЙ

связка 1) хэлэгшэ глаголтой хэрэглэхэдээ үнгэрһэн саг харуулһан (для выражения прошедшего времени): Үнгэрѳѳшэ зун һаяхан сэсэгээ гүбеэд байһан мойһоной һѳѳг доро үүр сайтар хоюулан һуугаа бэлэй (Б. Санжин, Б. Дандарон); 2) үйлын болохо, болохогүйдэ маргалга, этигэл ядалга дамжуулдаг асууһан удхатай (вопр.): «Яаһан танил гэшхэдэлтэй хүн бэ, байза хэн бэлэй?» гэһэн бодолдо Синг баригдажа, удаан дуугай зогсоно (Д. Батожабай); Бага ябахадань, нэгэтэ басагад бэреэдэй дуулаһан энэ дууе ханхинаса татажархёод, саашаа юун бэлэй даа гэжэ түр зуура маргаба (Ч. Цыдендамбаев); 3) нэрэ үгѳѳр гараһан хэлэгшэтэй болон ерээдүй сагай причаститай хэрэглэгдэхэдээ, үйлын боломжотой байлга харуулдаг (для выражения сослагательного наклонения): Ямаршье уршагта дайралдангүй хүрѳѳ һаа, һайн бэлэй гэжэ бүхы сэдьхэлһээ хүсэнэ (Б. Шойдоков).