БЭЛЭДХЭЛ

юум. н. 1) түхеэрэлгэ, бэлэн болголго (приготовления, подготовка): Тиимэһээ угтамжа эмхидхэхэ комиссиин хүтэлбэри доро богонихон хухасаа соо яһала ехэ бэлэдхэл хэгдээ (Б. Санжин, Б. Дандарон); 2) суглуулга, оруулга, олзоборилго, хуряалга, нѳѳсэлэлгэ (заготовка): Тэрэ залуудаа модоной бэлэдхэлдэ үе мүсынгѳѳ үбшэн болоторнь ябаһан юм (Ц.-Ж Жимбиев); тэжээл бэлэдхэл малай тэжээл суглуулга, оруулга (кормозаготовка): Иигэжэ Таһархайн фермын һаалишад бүгэдѳѳрэн малайнгаа тэжээл бэлэдхэлдэ хабаадабад (Ц.-Ж. Жимбиев); мяха бэлэдхэл мяха олзоборилго (мясозаготовка); 3) нѳѳсэ, дараан (резерв, запасы, фонд); 4) һургалга (обучение): Теэд бэлэдхэл муутай байһан дээрэһээ һургуулида орожо шадангүй бусажа ерээ ха юм (Ц.-Ж. Жимбиев).