БАЯЖАХА

үйлэ ү. юумээр элбэгжэхэ, дүүрэхэ, баян болохо (богатеть, обогащаться): Бабуудайн ами наһанай харгы гансал баяжаха, шадалтай ябаха, нэгэнэй тухай нэрэеэ нэрлүүлхэ гэһэн тэмсэл соогуур энэ хүрэжэ ерээл даа (Д. Эрдынеев); тэһэртэрээ (гү, али тэһэрхэ болотороо) баяжаха үлэмжэ ехээр баян болохо (неимоверно разбогатеть): Тэһэртэрээ баяжаһан тэрхээн тиигэжэл үхэг гэжэ харааха зариман байгаа ха (Ц.-Д. Хамаев); – Та ѳѳрѳѳ зоболон болоходо зоной зѳѳри эдижэ, тэһэрхэ болотороо баяжаһан, бисарха болотороо таргалһан хүн байна гээшэт (Х. Намсараев).