БАРАГАР

тэмд. н. 1) хара бараан, харалган, бүрхэг, бархагар хара үүлэтэй (тёмный, хмурый, ненастный): Энэ барагар үндэр хадануудай оршондо тэрэ гансаараа бэшэ, харин үшѳѳ хэншьеб ойронь байһаншуу… (Д.-Д. Дугаров); барагар харанхы хара бараан, харалган (тёмный): Урда сагта энэ тайга барагар харанхы шэнги бэлэй (Д.-Д. Дугаров); барагар хара үүлэн хара боро үүлэн, барьягар, һаглагар, түглэгэр хара үүлэн (мрачные тучи): Һаруул сэнхир тэнгэридэ барагар хара үүлэн үзэгдэжэ эхилбэ (Ч. Цыдендамбаев); 2) нидхээ буулгаһан, уруу дуруу, муухай шарайтай (мрачный, угрюмый): Бальжидай шарай гэнтэ ямаршьеб барагар болоходол гэжэ, хоёр нидхэнь ниилэшэбэ (А. Жамбалдоржиев); Багшынгаа барагар хара шарай харахадаа, эшэ эхигүй нюдэнһѳѳнь нёлбоһон гарахаяа һанана (Ц. Номтоев); зосоо барагар болохо сэдьхэл һанаанда муу болохо, харлаха, сэдьхэл(ээ) зобохо (≈ в душе потемнело, сердце защемило): Минжурай зосоо гансата барагар боложо: – Юун гэнэш? – гэжэ этигэжэ ядаһан хэбэртэй дахин һураба (Ж. Тумунов); 3) хүрин шарайтай, харахан шарайтай (смуглый, загорелый): Балгаандаа Шоён бусажа ерэхэдээ тон барагар, харлашаһан шарайтай һэн (А. Ангархаев).