БАЛААЛХА

үйлэ ү. 1) эли тодо бэшэ болгохо, аршаха (делать неясным, подтирать): бэшэhэнээ балаалха; 2) зэмэеэ зѳѳлэрүүлхэ, сагааруулха (заглаживать свою вину): Теэд мүнѳѳ яажашье энээнээ балаалха аргагүй байһанаа мэдэжэ, миин лэ Жалмынгаа урдаһаа тэнэгээр хараад зогсобо (Ц. Шагжин); ѳѳрынгѳѳ зэмэ балаалха зэмэеэ зѳѳлэрүүлхэ (заглаживать свою вину): Лодон дэмы уурлаhанаа ойлгожо, ѳѳрынгѳѳ зэмэ балаалжа, энеэбхилэн байжа дуугарба (Г.-Д. Дамбаев); эшэһэнээ балаалха эшэһэнээ мартуулха (загладить смущение): Базар үлэ дуулаһан мэтэ боложо, эшэһэнээ балаалха һанаатай, һүрхэй яараһан хэбэртэйгээр бухалаа табина (Ц. Дон); 3) мартуулха (заставлять забыть): …Найдан отообаймни намаяа зэмэлэгшэ аа гү гэһэн һаналда эзэлэгдээд, Дашынгаа үгые балаалан дуугарба (А. Шадаев); 4) билдагуушалха, һаймһарха (льстить, подлизываться): Нохойнь һүүлээ хүдэлгэн балаалха юм.