БАЙЛДАХА

үйлэ ү., угталд. залог 1) тулалдаха, дайлалдаха (сражаться, биться, воевать): Ой тайгын эрхэ байдалда байлдаха талаар тон ехэ дүй дүршэлтэй болонхой (Б. Шойдоков); хажуудань ходо байлдаха; байлдан орохо тулалдажа эхилхэ, байлдаа эхилхэ, добтолхо (начинать боевые действия): Бар шэнги баатарнууднай, бахархажа байлданал (Х. Намсараев); байлдаха шадабари байлдаанда бэлэн байха, байлдаа хэхэ арга боломжотой, бэлэдхэлтэй байха (боеспособность); 2) һуури дээрээ зогсохо, байха, тогтохо (стоять, находиться, останавливаться); 3) хүрэхэ, тогтохо (стать, замёрзнуть – о реке): Гол горход байлдаба; 4) боох. үбгэн һамган хоёрой һалаха (разводиться – о супругах).