БАГТАХА

үйлэ ү. 1) орохо, хашалтагүйгѳѳр орохо, дүүрэхэ (помещаться, вмещаться, входить в состав чего-л.): Наһан соогоо элдэһэн бүхы арһыень зүйгѳѳ һаа, магад Мархансайн бүхы малай багтажа хэбтэхэ талмай боложо болохол бэзэ (Ч. Цыдендамбаев); дүрбэн хүнэй багтаха майхан (гү, али палатка) дүрбэн хүнэй унтахаар майхан (четырёхместная палатка): Дүрбэн хүнэй багтаха палатка соо нойтон газар дээрэ гансахан суба дэбдижэрхёод, дээрэнь Доржо тэршэлэн инсаглажа хэбтэбэ (А. Ангархаев); багтахаяа болихо хэмһээ үлүү гараха, хэтэрхэ, халиха (выходить за рамки, переставать вмещаться): Тиихэдэнь нуурай уһан эрье һабадаа багтахаяа болёод, хажуу тээшээ, сабшалан бэлшээринүүд руу халижа байжа урдаба (Б. Мунгонов); (арһа яһандаа) багтажа ядаха шэлж. тэсэшэгүй болохо, һуужа байжа ядаха (не находить себе места): Үшѳѳ хүнүүд юун гэлсэхэнь гээшэб гэжэ арһа мяхандаа багтажа ядажа һууһыш мэдэнэб (З. Гомбожабай); аманда багтахагүй юумэ хэлэхэ хүнэй хэлэшэгүй, һанагдаа, бодогдоогүй юумэ хэлэхэ, бэлин, муухай үгэ хэлэхэ (говорить сальности); 2) хүнүүд болон амитадай нэгэ газарта эбтэй байха, таараха (уживаться): Хэнтэй, хэзээ багтаха зон гээшэбибди? (Ч. Цыдендамбаев).