БАГША

юум. н. 1) һургуулиин һурагшадта үзэг бэшэг, эрдэм һургаал заадаг хүн (учитель, преподаватель, наставник): Музейһээ гараад, үхибүүд багшатаяа хамта ѳѳһэдынгѳѳ байрлаха болоһон гэр тээшэ шэглэбэд (Б. Мунгонов); Багшанартаа баярые хүргэеэ. Багшанарайнгаа нэрыень суурхуулаяа (Э. Зандраев); ябаган багша түүх. урдань айлаар ябажа, ямар нэгэ хотондо дүүрэн тэдхэмжэтэйгээр хэдэн үдэрѳѳр байрлажа, ном бэшэг заадаг һургагша (странствующий учитель); 2) дээдэ арад зоной түүхэдэ гү, али хүнүүдэй ажабайдалда нүлѳѳ үзүүлһэн, һургаал болоһон хүн (Учитель): Ород арад гээшэ минии эсэгэ, минии багша мүн болоно (Х. Намсараев); Зүблэлтэ засагые байгуулагша дэлхэйн түрүү зоной гайхамшагта ехэ багша Ленин мандатугай! (Г. Цыдынжапов); 3) будд. номногшо, олон шабинарые буддын номдо һургагша багша лама (лама-учитель): Далай ламын долоон багшанарай ахалагша багша болохо санид хамбые Брайвун дасангай зүгһѳѳ һунгахада, зүгѳѳргүй ехэ тэмсэл болоһон байгаа (Д. Батожабай).