БАГСА II

наречи нягтаар, шэгжүүгээр, шэгэдхэжэ, шангаар, яб-таб, бүхѳѳр (плотно, крепко, накрепко): Тэрэ дары хоёр шархигар полици зантагашалдан орожо ерээд, Фёдорой хоёр балсанһаа багса бажуун, абаад гараба (Х. Намсараев); багса бариха шангаар бажууха (крепко схватить): Юрэдѳѳ, дан һулаар һаана гээшэ гүб даа гэжэ һанаад, тэрэниие багса бариһан бэеэрээ, доошонь шангаар татана (Ц.-Ж. Жимбиев); багса шаагдаха яб-таб зоолдохо, хабшуулдаха (накрепко застрять, засесть): Сэсэг морёо бушуухан хүллэжэ, саашадаа ямаршьегүй уруудаха гэхэдэнь, үбһэниинь бүгтэгэр хуһанда багса шаагдаһан байжа, баһал һаатаха ушартай болобо (М. Осодоев); багса шэглэхэ шэгжүүгээр хэхэ, табиха, арай гэжэ оруулха (плотно набить, еле втиснуть): Базар багтажа ядаһан номуудаа багса шэглэбэ.