БАГАЖА

юум. н. 1) ажал хүдэлмэри хэхэдээ хэрэглэдэг зэмсэг, тоног (орудие, инструмент, снасть, инвентарь): Мори шаргадаа жада, һүхэ гэхэ зэргын холын тэрэ ангууша наһанайнгаа багажа ашаад… (М. Батоин); 2) сэрэгэй зэр зэбсэг (снаряжение, доспехи, вооружение): Баатарай шэмэг багажые ара бэедээ агсаба (Х. Намсараев); багажа зэбсэг а) ажалай хэрэгсэл, зэмсэг (инвентарь, орудие труда): Энэ бүлэг зониие шэрэжэ ябаһан багажа зэбсэг болон тэргэ плугуудай хангирха жэнгирхэ абяанай хажуугаар … энеэлдэхэнь тодохоноор дуулдана (Ц. Дон); б) сэрэгэй зэр зэбсэг (оружие, вооружение, доспехи): Ёһотой үльгэршэ гээшэ үльгэрые улам бүри уран һайхан болгон мүлижэ, баатар эрын багажа зэбсэг шэнгеэр хурсадхажа ябадаг (Ч. Цыдендабаев).