БАГАТАЙ

тэмд. н. 1) ямар нэгэн талаар дутуу, хүсэд бэшэ, тулюур, ядуу (имеющий что-л. в недостаточной мере): Тэжээл багатай, оройдоо дүшэн дүрбэн процент хүртэхѳѳр үбэлжэлгэдэ ороһоноо мэдэнэ бшууш (Ц. Цырендоржиев); нюрга багатай набтар, үндэр бэшэ (малорослый); зѳѳри (шадал) багатай мүнгѳѳр, элдэб хүрэнгѳѳр тулюур, ядуу (маломощный, слабый, бедный, несостоятельный): Би болбол шадал багатай хүнэй басаганби (Х. Намсараев); үрэжэл багатай үрэжэл муутай (недостаточно плодородный): Энэ үрэжэл багатай газар, энэ хара үүлэн хоёр намайе хабшан алаха (Ж. Тумунов); үнэ багатай тиимэшье үнэтэй бэшэ, яһала хямда (недорогой, относительно дешёвый): Харбинда дэлгүүр дээрэ үнэ багатай эдеэ хоол эдихэ гэжэ ошоод, нэгэ харчевнидэ орожо эдеэлбэб (Б.-Б. Намсарайн); эрдэм ном багатай һургуулигүй шахуу, мэргэжэлэй тусхай һургуули дүүргээгүй (малообразованный): Эрдэм ном багатай намда мэдэхэ шадаха юумэмни багал гүб даа (Б. Шойдоков); дүршэл багатай дүршэлѳѳр муу, һая эхилжэ байһан (малоопытный): Хорлын дүршэл багатай байһандань, колхозынь тэрэниие аймагай центртэ болоһон нэгэ һарын курсда эльгээбэ ха (Ж. Тумунов); бүтээсэ багатай аалин хүдэлдэг, ехэ юумэ хэдэггүй (малопроизводительный): Мүнѳѳ сагта бүтээсэ багатай техникэ хэрэглэгдэхэеэ болинтожо байһан хэбэртэй; бэлэдхэл багатай хүсэд бэлэдхэл, һорилго гү, али һургуули гараагүй, дутуу гараһан (малоподготовленный); ашаг багатай хүсэд ашаггүй (маловыгодный): Ашаг багатай бартаа шугы бургааһатай газар элдүүрилһэнэйшье харюугүй байдаг; ашаг шэмэ багатай үрэ багатай (малопродуктивный): Ашаг шэмэ багатай нютагай үүлтэрэй үнеэдые фермэнүүдтэ барихада, олзонь багашаг байһан юм; һүзэг багатай тиимэшье һүзэгтэй бэшэ (не слишком набожный): Баашка үбгэн һүзэг багатай хүн аад лэ, хүгшэнтэеэ ошолдожо үгѳѳгүй юм (Х. Намсараев); саһа багатай саһан ехээр орохогүй, хаа-яа саһатай (малоснежный): Үрэжэл муутай намар үнгэржэ, үргэлжэ хагсуурһаар, саһа багатай һаари хүйтэн үбэл ерэбэ (С. Доржиев); бороо хура багатай үсѳѳ бороо ородог, бороогүй (засушливый, маловодный): Бороо хура багатай хуурайшаг жэл болоошье һаань, үбһэнэй ургаса яһала барагтайхан байба (Б. Мунгонов); 2) бишыхан хүүгэдтэй, нарайтай (имеющий малолетних детей): хэдэн багатай эхэнэр.