БАДАШАА(Н)

(Н) юум. н. огсом шэрүүнээр хүндэ юумэ хэлэлгэ, бадарган ажаглалта хэхэ (окрик, грубое замечание): Тэрэнэй һѳѳргѳѳ эрьелдээд, үүдэн тээшэ ябаханьшье тэрэ, ара нюргандань: «Бай гэнэб!» – гэһэн хахир муухай бадашаан дуулдаад, орон хахинаба (Д. Эрдынеев); бадашаан хашхараан үргэлжэ хараалган, зандараан (постоянные окрики, замечания): …Мошуухай үбгэн унтажа хэбтэһэн аад, гэнтэ аягүй бадашаан хашхараанай гарахада һэрижэ, арайхан хүл дээрээ бодоод… (Х. Намсараев); Бэрхэ багша һурагшанараа бадашаан хашхараагүйгѳѳр, гансал дулаан үгѳѳр эмхидхэжэ шададаг.