БААБГАЙ

юум. н. барбагар нооһотой, хүжүүн томо бэетэй, мяхаша арьяатан, хара гүрѳѳһэн, бартахи (медведь): Баабгай Шобдогые харааһандал, муухайгаар абяа гараад, уһанай долгиндо булагдан, хоёр модоной хоорондо хабшуулдаад урдашаба (Д. Батожабай); бартахи баабгай мяхаша арьяатан, хара гүрѳѳһэн (медведь); сагаан баабгай Мүльһэтэ далай шадар амидардаг сагаан нооһотой арһатай баабгай (белый медведь); хара баабгай а) хара гүрѳѳһэн, бартахи, баахалдай (бурый медведь): Хара баабгай һэргэг нойроор эшээндээ унтана (Д.-Д. Дугаров); б) захаам. дүрбэ наһанһаа дээшэ эрэ баабгай (медведь-самец в возрасте старше четырех лет); шара баабгай захаам. дүрбэ наһанһаа дээшэ эмэ баабгай (медведица старше четырёх лет); эрэ баабгай наһаа хүсэһэн буха баабгай (медведь-самец); үлэгшэн (гү, али эмэ) баабгай эхэ баабгай (медведица); буруу баабгай жэл болоогүй баабгайн түл (медвежонок до года): Энэ жэл хүн зоной байдаг газарта дүтэ буруу баабгайнууд үзэгдэдэг болоо; тугал баабгай зургаа һара болоогүй баабгайн түл (медвежонок до шести месяцев); хашараг баабгай хоёр наһатай баабгай (медвежонок до двух лет, пестун).