БҮДЭГ

юум. н. бүрүүл, харалган байлга, хараа таһаралга (сумерки): Үдэшын бүдэг соогуур табгайн хурдаар соёруулан, үелһэн унаган нүхэрэйдэнь орожо гараа һэмди (Ц.-Д. Хамаев); бүдэг-бадаг бүрүүл байлга, хараа таһаралга (сумерки): Хүбшэ тайга соо боро хараанай бүдэг-бадаг буужа байгаа һэн (С. Доржиев); бүдэг-бадаг (бүрүүл) болохо бүрэнхы болохо, боро хараа орохо (смеркаться): Бүдэг-бадаг болохолоор, жалга сооһоо гаража, зуһалан тээшэ гэшхүүлбэбди (Ц.-Д. Хамаев); Боро хараан боложо эхилээд, бүдэг-бадаг бүрүүл болобо (Ш. Нимбуев).